Ganon na lamang ang Pagibig ng Diyos Ama sa atin kaya inialay nya ang sarili nyang anak para sa ating kaligtasan. Pagibig na dakila. Pagmamahal na totoo. Buong pusong pagtatangi.
Ito ang pagibig na gagawin ang lahat. Ibibigay ang lahat. Papasanin ang Krus at lahat. Pagibig na wagas. Hindi naghihintay ng kapalit.
Katulad ng maraming OFWs, mag aabroad at titiisin ang hirap, pagod at lungkot alang-alang sa minamahal sa pamilya.
Si Hesus nanahan sa atin. İnialay ang kanyang buhay. Pinasan ang Krus para maiangat tayong lahat.
Dakila ang pagibig ng Diyos. Ang ating Amang nasa langit. Ama natin na lumikha sa atin. Ama na nagbibigay ng ating kakanin sa araw araw. Amang mapag patawad. Amang mapagmahal.
Tayo ay tinatawag na manalig at sumampalataya sa kanyang Anak na si Hesus. Dahil ang nananalig at sumamasampalataya ay maliligtas at hindi mapapahamak. Magtatamo ng Buhay na walang hanggan.
Ito ang kalooban ng Diyos, ang tayo ay maligtas sa pamamagitan ng kanyang anak na si Hesus! Amen.
Father Arnold Abelardo CMF
